Skip to main content
Scripbox Logo

உங்களுடைய நிதி இலக்குகளை எவ்வாறு தீர்மானிப்பது? இந்த 5-படி அணுகுமுறையைப் பயன்படுத்தவும்.

உங்களுடைய வாழ்க்கை அல்லது வாழ்க்கை முறைக்கான இலக்கை நீங்கள் எப்படி நிதி இலக்காக மாற்ற முடியும் என்று யோசிக்கிறீர்கள் என்றால், உங்களுக்கு உதவக்கூடிய ஒரு எளிய அணுகுமுறை இங்கே கொடுக்கப்பட்டுள்ளது.

உங்களுடைய வாழ்க்கை அல்லது வாழ்க்கை முறைக்கான இலக்கை நீங்கள் எப்படி நிதி இலக்காக மாற்ற முடியும் என்று யோசிக்கிறீர்கள் என்றால், உங்களுக்கு உதவக்கூடிய ஒரு எளிய அணுகுமுறை இங்கே கொடுக்கப்பட்டுள்ளது.

1. உங்கள் குறிக்கோள் பணத்தோடு தொடர்புடையதா?

எல்லா குறிக்கோள்களும் பணத்தோடு தொடர்புடையது அல்ல; ஆனால் மற்ற குறிக்கோள்கள் பணத்தோடு சேர்ந்தவையாக இருக்கும். அதன் வித்தியாசத்தைப் புரிந்து கொள்ளுங்கள். உதாரணமாக அடுத்த ஆண்டு நீங்கள் நீண்ட நாள் விடுப்பு எடுத்து ஓய்வெடுக்க விரும்புகிறீர்கள் என்றால் அது உங்களது வாழ்க்கை முறைக்கான தேர்வு தான்; அதே சமயம் உங்களுக்கு பிடித்தமான வழியில் ஓய்வெடுக்கும் போது அதற்கான நிதியும் தேவைப்படும். அந்த மாதிரியான குறிக்கோள்களுக்கு நிச்சயம் பணம் தேவை.  

2. உங்களது குறிக்கோள்களுக்கு பணம் தேவை என்று தெரிந்தவுடன், அடுத்த கேள்வி எவ்வளவு பணம் தேவை என்பது?

ஒரு சில இலக்குகளைத் தவிர மற்றவைகளுக்கு இதை நேரடியாக கண்டுபிடிக்கலாம். உதாரணமாக நீங்கள் ஒரு வீடு வாங்க விரும்பினால், அதற்கு ஆகும் செலவு ஒப்பீட்டளவில் உங்களால் விரைவாகவும் நேரடியாகவும்  அறியப்படுகிறது. அதே சமயம் உங்களது ஓய்வூதியத்திற்கு நிதியளிப்பது அல்லது உங்களது குழந்தைகளின் மேற்படிப்புச் செலவுக்கு நிதியளிப்பது போன்ற நீண்ட கால நிதி இலக்குகளுக்கு எவ்வளவு செலவாகும் என்பதை நேரடியாக கண்டுபிடிக்க இயலாது. 

இந்த ஒவ்வொரு குறிக்கோள்களின் போதும் பல்வேறு காரணிகளான பண வீக்கம், விலைவாசி உயர்வு, உங்களுடைய வாழ்க்கை முறை, முதலீடுகளின் மூலம் கிடைக்கும் வருமானத்தின் வெவ்வேறு விகிதங்கள் மற்றும் உங்களது சேமிப்புத் திறன் போன்றவற்றை நீங்கள் புரிந்து கொள்ள வேண்டும்.

இதற்காக நீங்கள் இணையத்தில் கிடைக்கக்கூடிய திட்டமிடல் கால்குலேட்டர்களின் உதவியைப் பெறலாம். உங்களுடைய செலவுகள் முக்கியமானதும், சிக்கலானதுமாக இருந்தால் ஒரு தகுதியான நிதி ஆலோசகரின் உதவியை நாடி உங்களுடைய குறிக்கோள்களுக்கானத் தேவை எவ்வளவு என்பதைக் கண்டுபிடியுங்கள்.

இந்த நேரத்தில் எது பெரிய இலக்கு அல்லது எது சிறிய இலக்கு என்று தெரியாமல் நீங்கள் குழம்பலாம். அதற்கான ஒரு பயனுள்ள வழி என்னவென்றால், உங்களுக்கானத் தொகையை நீங்கள் 4-5 ஆண்டுகளுக்குள் சேமிக்க முடியுமா என்று கண்டுபிடிப்பது. ஒப்பிட்டு பார்க்கும் போது, இது ஒரு சிறிய நிதி இலக்கு தான். ஆனால் இதை விட அதிகமாக இருக்கும் எதுவுமே ஒரு பெரிய நிதி இலக்கைக் குறிக்கும்.

“அடுத்தக் கட்டமாக நீங்கள் கண்டு பிடிக்க வேண்டியது எப்போது என்பதை; சுவாரசியமாக “எப்போது” என்பது “எவ்வளவு” என்பதைப் பொறுத்தது. பொதுவாக சிறியத் தொகையை சேமிக்க குறைந்த காலமே தேவைப்படுவது போல் பெரியத் தொகையை சேமிக்க நீண்ட காலம் தேவைப்படுகிறது. உங்களுக்கு எப்போது பணம் தேவை என்ற கருதும் போது, இதை நினைவில் கொள்ளுங்கள்.”

3. உங்களுக்கு எப்போது பணம் தேவை என்பதை முடிவு செய்யுங்கள் அல்லது கண்டுபிடியுங்கள்

அடுத்தக் கட்டமாக நீங்கள் கண்டு பிடிக்க வேண்டியது எப்போது என்பதை; சுவாரசியமாக “எப்போது” என்பது “எவ்வளவு” என்பதைப் பொறுத்தது. பொதுவாக சிறியத் தொகையை சேமிக்க குறைந்த காலமே தேவைப்படுவது போல் பெரியத் தொகையை சேமிக்க நீண்ட காலம் தேவைப்படுகிறது. உங்களுக்கு எப்போது பணம் தேவை என்ற கருதும் போது, இதை நினைவில் கொள்ளுங்கள்.

இந்தக் கட்டத்தில் சில செயல்திறன் மிக்க சிந்தனைத் தேவைப்படுகிறது. ஏனெனில், பெரும்பாலும் “எப்போது” என்கின்ற விஷயத்தில் கட்டுப்பாடு இருக்காது; குறிப்பாக வேலையிலிருந்து ஓய்வு பெரும் நேரத்திலும், குழந்தைகளின் கல்வி விஷயத்திலும். பல ஆண்டுகளுக்குப் பின்னர் தேவைப்படும் அதிகப்படியான கணிசமானத் தொகைக்காக, நீங்கள் இப்போதிருந்தே பணவீக்கத்தை வெல்லும் கருவிகளில் முதலீடு செய்ய வேண்டும்.

4. உங்களால் சேமிக்க முடியுமா அல்லது சேமிப்பதற்கான வாய்ப்பை உண்டாக்க முடியுமா?

வாழ்க்கையில் சில நிதி இலக்குகள் சமரசத்திற்கோ, பேச்சுவார்த்தைக்கோ உட்பட்டவையல்ல. அதில் ஒன்று ஓய்வூதியத்திற்காக சேமிப்பதாகும்; ஏனெனில் வெகு சில உத்தியோகங்களே உங்களை இறுதி மூச்சு வரை உழைக்க அனுமதிக்கின்றன. ஆனால் பெரும்பாலான மக்கள் அதை விரும்புவதில்லை.

இதைத் தவிர பிற நிதி இலக்குகளை நீங்கள் அடைய முடியுமா என்பதைக் கருத்தில் கொள்ள வேண்டும். உங்கள் குழந்தையை நீங்கள் ஒரு பெரிய ஆடம்பரக் கல்லூரியில் சேர்க்க விரும்பலாம், ஆனால் இது போன்ற பெரும்பாலான இலக்கை அடைய நீங்கள் ஒவ்வொரு மாதமும் கணிசமானத் தொகையை சேமிக்க வேண்டும்.

உங்களுடைய ஒரு நிதி இலக்கு உங்களுக்கு முக்கியமானதாகத் தெரிந்தால், (அது எதுவாக இருந்தாலும், அது உங்கள் வாழ்க்கைக்கான மதிப்பீட்டையும், குறிக்கோளையும் பொறுத்தது) நீங்கள் அந்த இலக்கிற்கு மற்றவற்றை விட அதிக முக்கியத்துவம் கொடுக்க வேண்டும். நம்முடைய சேமிப்புகள் கட்டுப்படுத்தப்பட்டதாக இருப்பதால், நம்முடைய ஒவ்வொரு நிதி இலக்கையும் நம்மால் அடைய முடியாது.

5. முதலீடு செய்வது உங்களுடைய இலக்குத் தொகையை அடைய உதவுமா?

தக் கடைசிக் கட்டத்தில், உங்களுடைய நிதி இலக்குகளுக்கு உங்களால் சேமிக்க முடியும் என்று தெரிந்தவுடன், நீங்கள் முடிவெடுக்க வேண்டியது முதலீடுகள் தேவையா, அப்படி தேவையென்றால் எங்கே உங்களுடைய சேமிப்புகளை முதலீடு செய்ய வேண்டும் என்பதே. உங்களால் எவ்வளவு சேமிக்க முடியும் என்பதற்கும், உண்மையில் உங்களுடையத் தேவை என்ன என்பதற்குமான இடைவெளியைக் குறைப்பதற்காக முதலீடு செய்யுங்கள். எடுத்துக்காட்டிற்கு, உங்களால் 20 ஆண்டுகளில் ஒரு கோடி ரூபாய் வரை சேமிக்க முடியும், ஆனால் ஓய்வு பெரும் போது உங்களுக்கு 2.5 கோடி ரூபாய் வரைத் தேவைப்படலாம். அப்போது அந்த கூடுதல் 1.5 கோடி ரூபாய்க்கு எங்கு ஏற்பாடு செய்யப் போகிறீர்கள்?

இங்கே பங்குகளில் முதலீடு செய்வது உங்களுக்கு உதவக்கூடும். ஈக்விட்டி, ஒரு சொத்து தொகுப்பாக, சேமிப்புகளை ஆறு ஆண்டுகளில் இரட்டிப்பாக்குகிறது. இதன் மூலம் 20 ஆண்டுகளில் உங்கள் பணம் இரண்டு அல்லது மும்மடங்கு பெருக்கமாகிறது. சேமிப்பைக் கொண்டு முதலீடு செய்வது, மிக எளிதாக நீங்கள் அடைய வேண்டிய இலக்கை அடையச் செய்யும் என்பதை உறுதிப்படுத்துகிறது.

உங்கள் நிதி இலக்கிற்கேற்ப, உங்களால் குறைந்தபட்சத் தொகையை சேமிக்க முடிந்தாலும் கூட, முதலீடு செய்வது உங்கள் இலக்கை சரியான நேரத்தில் அடைய உதவும்.

இப்போது நீங்கள் முழுமையாகத் தயாராகிவிட்டீர்கள்! மேற்கண்ட படிகளைப் பின்பற்றினால், மிக விரைவில்  உங்களது இலக்குகளை எந்த நேரத்திலும் அடைந்து விட முடியும்.

Achieve all your financial goals with Scripbox. Start Now