Skip to main content
Scripbox Logo

உங்கள் காருக்கு எவ்வளவு செலவு செய்ய வேண்டும்?

ஒரு கார் வாங்குவது என்பது ஒரு வீடு வாங்கியப் பின் எடுக்கப்படும் இரண்டாவது பெரிய முடிவாகும். எப்போதாவது அளவுக்கு மீறி செலவு செய்யலாம், ஆனால் கார் விஷயத்தில் அளவுக்கு மீறி அதிகப்படியாகச் செலவு செய்வது, உங்கள் நிதி நிலைமையை கவலைக்கிடமாக்குவதோடு மட்டுமல்லாமல் உங்களது நீண்ட கால நிதித் திட்டங்களையும் பாதிக்கும். அதனால் உங்களால் உண்மையிலேயே செலவு செய்து வாங்கக்கூடியதை மட்டும் வாங்குங்கள். அதை நீங்கள் எப்படி செய்யலாம்?

1. விதிகளைப் பின்பற்றுங்கள் 

உங்களின் வருட வருமானத்தில் பாதிக்கு மேல் ஒரு கார் வாங்குவதில் செலவிடக் கூடாது என்ற விதி உள்ளது. உதாரணத்திற்கு ஒரு நபரின் வருட வருமானம் சராசரியாக ரூ.10 லட்சம் என்றால் அவர் வாங்கும் சிறந்த காரின் மதிப்பு ரூ.5 லட்சத்திற்கு மிகாமல் இருக்க வேண்டும். எனினும், இந்த ரூ.5 லட்சம் என்பது காரின் ஆன்-ரோடு விலையாக இருக்க வேண்டுமே ஒழிய ஷோரூம் விலை அல்ல என்பதை உறுதிப் படுத்திக் கொள்ளுங்கள். ஆன்-ரோடு விலை என்பது பதிவுக் கட்டணம், சாலை வரி, இன்ஷுரன்ஸ் உள்ளிட்ட அனைத்துக் கட்டணங்களையும் சேர்த்த இறுதி விலை ஆகும். இது ஷோரூம் விலையை விட 15% - 20% வரை கூடுதலாக இருக்கும்.

கார் கடன் வாங்கத் திட்டமிடுகிறீர்களா? 20/4/10 என்ற மற்றொரு விதியை பின்பற்றுவதை உறுதிப் படுத்துங்கள்.

கார் விலையில் குறைந்தது 20% ஆவது முன் பணம் செலுத்துங்கள்.

கடனைத் திருப்பி செலுத்துவதற்கான தவணையை நான்கு ஆண்டுகளுக்கு மேல் மிகாமல் பார்த்துக் கொள்ளுங்கள். உங்கள் மாத வருமானத்தில் 10% கார் கட்டணத்திற்காக வைத்திருங்கள். அதுவே ஈ.எம்.ஐ மற்றும் காப்பீட்டுச் செலவு உட்பட அனைத்திற்குமானதாக இருக்க வேண்டும்.

கடன் காலத்தை நீட்டித்தால், அதற்காக நீங்கள் செலுத்தும் வட்டி அதிகமாகும். 11% இல், இந்த 20/4/10 விதியானது, உங்கள் கார் பட்ஜெட்டை மறைமுகமாக உங்கள் வருமானத்தின் 4 மாதங்களுக்குக் கட்டுப்படுத்துகிறது. இது நீங்கள் கடன் வாங்காமல் இருக்கும் போது வரும் செலவை விட குறைவாகும்.

 “கார்கள் ஒரு வீழ்ச்சியடையும் சொத்தாகும். உங்கள் காரை ஷோரூமில் இருந்து வெளியெடுக்கும் தருணத்திலே அதன் மதிப்பு 20% குறைகிறது. ஐந்து வருட காலத்தில், உங்கள்

“கார்கள் ஒரு வீழ்ச்சியடையும் சொத்தாகும். உங்கள் காரை ஷோரூமில் இருந்து வெளியெடுக்கும் தருணத்திலே அதன் மதிப்பு 20% குறைகிறது. ஐந்து வருட காலத்தில், உங்கள் காரின் மதிப்பு நீங்கள் வாங்கிய விலையில் பாதிக்கும் குறைவாகவே இருக்கும். (45% வரை மட்டுமே).”

2. எதிர்மறை கூட்டைத் தவிர்க்கவும

கார்கள் ஒரு வீழ்ச்சியடையும் சொத்தாகும். உங்கள் காரை ஷோரூமில் இருந்து வெளியெடுக்கும் தருணத்திலே அதன் மதிப்பு 20% குறைகிறது. ஐந்து வருட காலத்தில், உங்கள் காரின் மதிப்பு நீங்கள் வாங்கிய விலையில் பாதிக்கும் குறைவாகவே இருக்கும். (45% வரை மட்டுமே).

நீங்கள் அதிகத் தொகை கடன் வாங்கத் தகுதியானவர் என்பதால், அதை வாங்க வேண்டும் என்று அவசியமில்லை. கார் பட்ஜெட்டை அதிகப்படுத்துவது எதிர்மறைக் கூட்டுக்கு வழிவகுக்கும். உதாரணமாக ஒருவர் கார் வாங்குவதில் ரூ. 6 லட்சம் கார் மற்றும் ரூ. 10 லட்சம் கார் என இரண்டைத் தேர்வு செய்கிறார். அதற்காக அவர் 11% வட்டியில் நான்கு ஆண்டுகளுக்குக் கடன் வாங்குகிறார். இங்கே செலவு செய்வதில் ஒரு வாய்ப்பு உள்ளது. ஒரு வேளை அவர் 6 லட்சம் மதிப்பிலான காரைத் தேர்ந்தெடுத்திருந்தால், மீதி 4 லட்சத்தைப் பங்குகளில் முதலீடு செய்து 4 ஆண்டுகளில் 12% வட்டியில் கூடுதலாக ரூ. 2.30 லட்சம் சம்பாதித்திருக்கலாம். அது போகக் கடனுக்கான காலத்தில் வட்டி மட்டுமே ரூ.96,234 வரும். இதையும் பங்குகளில் முதலீடு செய்தால் ரூ. 55,700 வளர்ச்சியைக் கொடுக்கும். ஒரு விலையுயர்ந்த கார் வாங்குவதன் மூலம், திறம்பட ரூ. 2.90 லட்சம் சம்பாதிக்கும் வாய்ப்பை இழப்பீர்கள்.

3. பழையது v/s புதியது

பெரும்பாலும் மோசமான போக்குவரத்துச் சூழலே ஒருவரைச் சொந்தமாகக் கார் வாங்கக் கட்டாயப்படுத்துகிறது. அது அவர்கள் எங்கு போக வேண்டுமோ அங்கு செல்வதற்கான சுதந்திரத்தைக் கொடுப்பதால், சலன புத்தியுள்ள தனியார் கேப்களையோ அல்லது ஆட்டோக்களையோ சார்ந்திருக்கத் தேவையில்லை.

நீங்கள் கார் வாங்குவதில் பட்ஜெட் ஒரு தடையாக இருந்தால், புதிய காரை வாங்குவதற்குப் பதிலாக பயன்படுத்தியக் காரை வாங்கலாம். அது அவற்றின் வயது, நிலை மற்றும் பயன்பாட்டின் பொறுத்து புது காரை விட 30% - 40% வரை விலை மலிவாகக் கிடைக்கும். எனினும் அதன் பராமரிப்பு செலவு மிகாமல் பார்த்துக் கொள்ள வேண்டும். அதனால் 5 ஆண்டுகளுக்கு மேல் பயன்படுத்திய காரை வாங்குவதைத் தவிர்க்கவும்.

நீங்கள் புது காரை வாங்குவதற்கு பதில், பயன்படுத்திய காரை வாங்குவதை உங்கள் நண்பர்கள் யாரேனும் கிண்டலடித்தால் அவர்களிடம் சொல்லுங்கள், இந்தியாவில் உள்ள பணக்காரர்களில் ஒருவர், அவர் வாழ்நாள் முழுவதும் பழைய பயன்படுத்தியக் காரை மட்டுமே வாங்கி உபயோகித்தார் என்று.

4. சேமிப்பு இல்லையா, அப்போ காரும் இல்லை

இறுதியாக உங்கள் காரின் ஈ.எம்.ஐ விட நீங்கள் அதிகமாக சேமிக்கிறீர்கள் என்பதை உறுதிப்படுத்திக் கொள்ளுங்கள் - உங்கள் வருமானத்தில் குறைந்தது 10% ஆவது சேமிப்பிற்குச் செல்ல வேண்டும். இல்லையெனில், உங்கள் நிதி நிலைமை மேம்படும் வரை உங்கள் முடிவை தாமதப்படுத்துங்கள்.

நினைவில் வைத்துக் கொள்ள வேண்டியவை

எது அவசியமோ அதற்காக மட்டும் செலவு செய்யுங்கள். எந்த ஒரு செலவும் உங்களது ஆறு மாத சம்பளத்திற்கு மேல் செல்லாமல் பார்த்துக் கொள்ளவும். உங்கள் பட்ஜெட்டை அதிகப்படுத்துவது, நீங்கள் வேறு வகையில் பெறக்கூடிய வருமானத்தை இழக்க இன்றியமையாததாகிறது.

Achieve all your financial goals with Scripbox. Start Now