Skip to main content
Scripbox Logo

30 வயதிற்குள் உங்கள் முதல் மில்லியனை எவ்வாறு உருவாக்குவது?

எளிமையான திட்டங்களைப் பின்பற்றி கோடீஸ்வரராகுங்கள்

சமீபத்தில், எனது நண்பர் ஒருவரிடம் இருந்து ஒரு தொலைபேசி அழைப்பு வந்தது. அப்போது அவள் உற்சாகம் பொங்க, மிகக் குறுகிய காலத்தில் தனது ஸ்கிரிப்பாக்ஸ் கணக்கில் 10 இலட்ச ரூபாய்க்கு ஒரு இலட்ச ரூபாய் குறைவாக பணம் உள்ளதாக சொன்னாள்.

“மில்லியனர்” என்ற வார்த்தையை சுற்றி எப்போதுமே ஒரு மோகமும், ஈர்ப்பும் உண்டு. முன்பு இந்தியாவில் அதிகமான செல்வம் சேர்த்து வைத்திருப்போரை “இலட்சாதிபதி” என்று அழைப்பர்; ஆனால் இன்று எல்லாருமே எவ்வளவு வேகமாகவும் விரைவாகவும் முடியுமோ, அவ்வளவு விரைவாக ஒரு பத்து இலட்ச (ஒரு மில்லியன்) ரூபாயாவது  சேர்க்க வேண்டும் என்று முனைகின்றனர். இதில் வரக் கூடிய கேள்வி என்னவென்றால், பணவீக்கம் எப்படி உங்கள் வருவாயின் மதிப்பை இழக்கச் செய்கிறது என்பது தான்.”

முதன் முதலில் வேலைக்குச் சேர்ந்து வருமானம் ஈட்ட ஆரம்பிக்கும் இளம் தலைமுறையினர் அவ்வளவு பணம் வைத்திருப்பது சாத்தியமில்லை. இந்த கட்டுரை நீங்கள் 30 வயதை அடைவதற்குள் கோடீஸ்வரர் ஆவது எப்படி என்பதை காண்பிக்கும். உங்களுக்குத் தேவையானது எல்லாம்  எளிமையாக பின்பற்றக் கூடிய எளிய திட்டங்கள் மட்டுமே.

உதாரணமாக, 22 வயதான நீங்கள் மாதம் ரூ.25,000 சம்பாதித்து அதில் ஆரம்ப கால சேமிப்பாக உங்களால் ரூ.5,000 சேமிக்க முடிகின்றது என வைத்துக் கொள்வோம்.

உங்களுக்கானத் திட்டம் இங்கே கொடுக்கப்பட்டுள்ளது.

முதலாம் ஆண்டு: ஒவ்வொரு மாதமும் 5000 ரூபாய் சேமித்து அதை கடன் நிதிகள் (டெப்ட் ஃபண்ட்) அல்லது தொடர்ச்சியான வைப்புத் தொகையில் (ஆர்.டி) முதலீடு செய்யுங்கள். நாங்கள் பரிந்துரைப்பது கடன் நிதியை, ஏனெனில் அதற்கு தான் வரி விலக்கு உண்டு (டீ.டி.எஸ்).

இரண்டாம் ஆண்டு: ஒவ்வொரு ஆண்டும் உங்களுடைய சேமிப்பை 10 சதவீதம் அதிகரித்து, மாதத்திற்கு ரூ.5,500 ஆக சேமியுங்கள். ( உங்களுக்கு சம்பள உயர்வு கிடைக்கும் என்று நாங்கள் உறுதியாக நம்புகிறோம்!!)  அதை கடன் நிதிகளில் முதலீடு செய்யுங்கள்.

மூன்றாம் ஆண்டிலிருந்து எட்டாம் ஆண்டு வரை: ஒவ்வொரு ஆண்டும் உங்கள் சேமிப்பை 10 சதவீதம் அதிகரிக்கவும்; ஆனால் இம்முறை அதை வரி சேமிப்பு பங்கு நிதிகளில் முதலீடு செய்யத் தொடங்குங்கள். எனவே, மூன்றாம் ஆண்டில் 6,050 ரூபாயாகவும், நான்காம் ஆண்டில் 6,655 ரூபாயாகவும் அப்படியே தொடர்ந்து அடுத்தடுத்த ஆண்டுகளில் அதிகரித்த படியே இருக்க வேண்டும்.

இவ்வாறு தொடர்ந்த முதலீட்டின் மூலம் 30 வயதிற்குள், ஒரு மில்லியனுக்கும் அதிகமான (10 இலட்சம் ரூபாய்) இருப்பதை நீங்கள் எதிர்பாக்கலாம்..!!

 
* பங்கு வளர்ச்சி விளக்கத்திற்காக கொடுக்கப்பட்டுள்ளது. இங்கே காட்டப்பட்டுள்ளது போல் ஒரு போதும் நிலையான வேகத்தில் வளராது. சந்தைகள் ஏற்ற இறக்கத்துடன் இருக்கும் போது, நீங்கள் பெரிய ஏற்ற தாழ்வுகளைக் காண நேரலாம். கோடீஸ்வரர் ஆகும் உங்கள் பயணத்தில், பின்வரும் இரண்டு விஷயங்களை நீங்கள் அடைந்திருப்பீர்கள்.
 
1. இரண்டாம் ஆண்டு இறுதிக்குள், நீங்கள் அவசர கால நிதியாக 1,35,000 ரூபாயாக சேர்த்திருப்பீர்கள் அல்லது தோராயகமாக உங்கள் சம்பளத்தில் 4 மடங்கு வரை சேர்த்திருப்பீர்கள். இதனால்தான் முதல் ஆண்டிலேயே ஈக்விட்டியுடன் தொடங்க பரிந்துரைக்கவில்லை.
 
2. ஒவ்வொரு ஆண்டும் வரி சேமிப்பு முதலீடுகளைப் பற்றி நீங்கள் கவலைப்பட வேண்டியதில்லை.
 
மிக முக்கியமாக நீங்கள் உங்களுடைய 10 இலட்ச ரூபாய் இலக்கிற்கு 7 இலட்ச ரூபாய் மட்டுமே முதலீடு செய்திருப்பீர்கள். மீதமுள்ளவை உங்கள் முதலீடுகளின் வருவாயிலிருந்து வந்திருக்கும்.
 
“உதவிக்குறிப்பு: உங்கள் சம்பளம் 20 சதவீதம் அதிகரித்திருந்தால், நீங்கள் அதே அளவு உங்கள் சேமிப்புத் தொகையையும் அதிகரிக்க வேண்டும் - அப்போது தான் உங்கள் இலக்குகளை வேகமாக அடைய முடியும்.”
 
இந்த தொகையில் பாதியை மட்டுமே நீங்கள் சேமிக்க முடிந்தால் என்ன செய்வது?
 
இதில் ஆச்சர்யமான விஷயம் என்னவென்றால், உங்கள் இலக்கை அடைவதற்கு உங்களுக்கு இரண்டு மடங்கு ஆண்டுகள் ஆகாது. இன்னும் மூன்று ஆண்டுகளில் (உங்களுக்கு 33 வயதாகும் போது), உங்கள் முதல் மில்லியனைப் பெறலாம்.
 
அதே சமயம் நிச்சயமாக, நீங்கள் அதிகம் சேமித்தால் விரைவாக உங்கள் இலக்கை அடைய முடியும்.
 
முதல் மில்லியனுக்குப் பிறகு என்ன?
 
ஒவ்வொரு ஆண்டும் உங்கள் வருமானத்தில் 20-25 சதவீதத்தை கடன் மற்றும் பங்கு நிதிகளில் கலவையாக சேமித்து வைத்திருப்பதன் மூலம், நீங்கள் எந்தவொரு விஷயத்தைப் பற்றியும் கவலைப்பட வேண்டியதில்லை. அதற்காக நீங்கள் இந்த எளிய நிதித் திட்டத்தையும் நீங்கள் முயன்று பார்க்கலாம். 
 
எனவே, இனி எந்த சாக்கு போக்கும் தேவை இல்லை. இன்று உங்கள் முதல் மில்லியனை நோக்கி உங்கள் முதல் படியை எடுக்கவும்.
 
குறிப்பு:
 
கடன் நிதிகளில் உங்களுடைய முதலீடுகள் 7 சதவீத வருமானத்தையும், ஈக்விட்டி ஃபண்டுகளில் 12 சதவீத வருமானத்தையும் கொடுக்கும் என்று நாங்கள் அனுமானித்துள்ளோம். முந்தைய வரலாற்றில் ஈக்விட்டிக்கான வருவாய் அதிகமாகவே கிடைத்துள்ளது ஆனால் வருவாய் விகிதங்கள் நிர்ணயிக்கப்படாததால் குறைந்த வருமானத்தைத் திட்டமிடுவதே நல்லது.
 

Our Most Popular Categories

Achieve all your financial goals with Scripbox. Start Now